Аўтаматызаваная сістэма “Электронная бібліятэка Нацыянальнай бібліятэкі Беларусі” прадастаўляе аддалены доступ да лічбавых копій дакументаў з фондаў Нацыянальнай бібліятэкі Беларусі.
Гэта кніжныя выданні, перыядычныя, аўдывізуальныя дакументы, аўтарэфераты дысертацый і дысертацыі на розных мовах свету, плакаты, эстампы, паштоўкі і іншыя ізаматэрыялы. Усяго - больш за 730 тыс. дакументаў
У адпаведнасці з Законам Рэспублікі Беларусь “Аб аўтарскім праве і сумежных правах” па ўзроўні доступу матэрыялы
ўмоўна падзелены на дзве групы:
• дакументы ў адкрытым доступе: пазначаныя значком 
, можна праглядаць у любым зручным месцы і спампоўваць у фармаце pdf.;
• дакументы з абмежаваным доступам: пазначаны значком 
, можна праглядаць у чытальных залах Нацыянальнай бібліятэкі і іншых
падключаных бібліятэк,
а таксама атрымліваць іх фрагменты з дапамогай службы электроннай дастаўкі
дакументаў.
Аўтаматызаваная сістэма дазваляе ажыццяўляць два віды пошуку:
• базавы (па аўтару, загалоўку, прадмеце, нумары ISBN/ISSN, усіх палях);
• пашыраны (па аўтару, загалоўку, прадмеце, выдаўцу, серыі, даце выдання, нумары ISBN/ISSN, усіх палях).
На старонцы пашыранага пошуку можна выбраць пэўны від дакумента (кніга, аўтарэферат дысертацыі, дысертацыя, выяўленчае выданне і інш.), мову выдання, адабраць толькі распазнаныя дакументы (закладка “Дакументы з поўным тэкстам”).
Акрамя таго, для зручнасці карыстальнікаў рэалізавана магчымасць пошуку па паўнатэкставых калекцыях, прадстаўленых дзевятнаццаццю рознымі тэмамі, якія адлюстроўваюць старадрукі і рэдкія выданні, рукапісы, асабістыя бібліятэкі выдатных дзеячаў, унікальны фактаграфічны матэрыял аб Беларусі ў цэлым і яе рэгіёнах.
Зарэгістраваныя карыстальнікі могуць скарыстацца сэрвісам асабістага кабінета, які дазваляе захоўваць пошукавыя запыты, фарміраваць спісы неабходных выданняў з магчымасцю іх сартавання па групах або падборках, заказваць арыгінал дакумента для працы ў чытальных залах Нацыянальнай бібліятэкі Беларусі.
Колькасць дакументаў, прадстаўленых у аўтаматызаванай сістэме “Электронная бібліятэка Нацыянальнай бібліятэкі Беларусі” пастаянна павялічваецца.
Усе пажаданні і прапановы па працы сістэмы просім накіроўваць праз форму зваротнай сувязі або па электроннай пошце digit_center@nlb.by.